由於昨晚太累， 回到酒店立即睡著， 當然有洗白白。 早上一起來之後， 已經7點幾， 係呢幾天最早起床的日子， 搞掂晒所有野， 執番好個樣後， 我三吹四請之下ToTo先肯落去食早餐。
第四天的早餐
グリーンリッチホテル鳥栖駅前 朝食(セミバイキング方式)
早餐係大堂， 是中日早上buffet, 其實我都幾鐘意呢種早餐， 有蛋有腸仔有納豆有飯， 鐘意拿幾多自己拿， ToTo 平日早上食唔到野都唔緊要， 佢可以choose 去食沙律。可惜佢地今次只boil egg, 仲要係我唔食的温泉蛋 or 半熟蛋。
食完早餐後， 我們執埋d行李， 就出發拿車。 之後， 原來Edward 車已經沒油了， 所以我地先輸入第一個景點的電話後， 就順便找油站。
行程1. 去入油， 估唔到多了2隻公仔！！！
行下行下， 見到油站了， ToTo 見都沒有了半江油， 所以都打爆江油， 用左¥4359 。
此時， ToTo 見到對面有間「Best」電器， 但因為太早(而家9點半過d) , 所以應該未開門。 但ToTo 好想去個度， 點解？ 當然係為左支 Pentax smc 35mm macro lens la。我走去問油站職員Best 幾點開門， 職員答我 10:00 , 仲有10幾分鐘， 之後問過Haely 同Edward 的意見後， 大家都ok 可以等佢開門， 甘我地入完油就去對面 Best 電器的停車場泊好架車， 再去附近行下。
我們見到對面有間好似賣化妝品的店， 又見Best 電器仲未開門， 所以我同Haely 都急不及待地沖過去， 入到去店內， 原來係好像超市的藥房， d價錢好貴， 我同Haely 都覺得可能呢度係獨市生意， 所以甘貴。 我見冇咩野買， 便想走， 但ToTo 要買「指甲夾」， 因為原本在行李入面的又不見了， 所以我就幫佢找找。 呢間藥房超大，不過只得2款指甲夾賣， 一個是普通式，不過超長， 另一款係剪刀式， 一樣超長。 ToTo 想要剪刀式個個， 仲叫我去問價錢Tim
我：「請問這個(剪刀式指甲夾)幾錢? 」
店員：「¥27xx 」
我心想：「吓！！！$25x 一個指甲夾， 唔係掛！！！」
我：「甘呢個(普通式指甲夾) ? 」
店員：「¥1628」
我：「謝謝！！ 」
我對ToTo 說了，最後決定要平d 個個。 我們買完野之後， 就再去附近個座大的building 去。 原來那裡是波子機場， 我們入去好快就出番來。
之後返轉頭， 去番一間名叫「ams」的店。 一入去， 有夾公仔機， 我們入去兜大一圈， 都係停係個d 夾公仔機。 這個時候Haely 發現原來其中一架機入面的公仔係「LINE」的公仔， 我都去看看....
我：「真係wo,...... eeeeee Haely 你看看， 係KUMAMON (熊本代表公仔) 頭的LINE 公仔。」
Haely :「係啊！！！ 」
我： 「好cute 呀！！！」
Haely: 「係wo........」
此時， 聽到我們甘說的男士們…
ToTo : 「呢個好易夾， 來啦， 大肥肥， 等我夾一個比你啦~」
我好出奇，但都好開心， 立即入一個¥100 入去， 大家全神貫注……
「差d, 差d, 左d 左d, 右d,....」
「哎呀！！」
「eeeee......得啦 得啦 真的得wo....」
「Yeah...... 好野， ToTo 好叻。 多謝 ToTo。」
「oooooo.....佢夾到落去， 係出口塞住左個， 跌唔到落來」
「oooo... 呃我ar... 去找人來」
「我去……」
「(日文)唔好意思…… 呢度…呢度…」
「ooo.…ok ok」
「Yeah Yeah ..... 出到來了。」
「哈…哈…我都話好易， 肥肥來啦…送比你啦…」
「Hehe, 你好叻ar…多謝ToTo!!! 」
就甘樣， ToTo就夾到隻公仔， 送比我啦！！！我超開心 \ ^o^ /
ToTo 夾比我的
係我好開心之際， 那邊箱 的Haely好像都好想要 ^^" , 所以Edward 就話 「交比我啦！！！」
但可惜， Edward 夾了2 次都夾不到，開始有d 壓力了。 我就話ToTo, 都係ToTo 比左壓力 Edward la, ToTo 話 呢d 係要Edward 自己解決。 我們去到另一個LINE 公仔機， 見到今次係係LION 頭的LINE 公仔， 而且有個好像好容易夾， ToTo 又有顯身手， 一夾就夾到了。 此時， Haely Edward 個邊 好像有點火氣上升， Edward 仲想求救Tim。不過， 努力終於有成果， Edward 都夾到個出來 ^_^ 。
Edward 好驚險地夾到出來
後來， Haely 自己都玩一次， 再夾多個。所以我們每人都有2個 ^_^ 。
多謝2位男士
我們夾了公仔後， 就沖沖去了 BEST 電器。
ToTo 去找Lens, Haely 就找另外的面機。 可惜最後大家都冇收穫。
行程2. 吉野ヶ里歴史公園 - 真的比不起犬山明治村
因為我們係呢度玩夾公仔都花了點時間，我建議快d 去我們第一個景點， 唔係就趕不上下個重要的景點 - Edward 強烈要求要去的 - 熊本城。
我地各自輸入了GPS 之後， 我地同 Edward 車 跟掉了， 所以我們跟GPS 去啦。
快到目的地時， GPS 竟然帶我們走河邊小路， 去到一個沙石地停車場， 我正奇怪有冇帶錯我們，但又係個度。
河邊小路
我們等了一會未見Edward 佢地， 就想先到正門。 行緊過去之際， 看到佢地的車駛左入去 吉野ヶ里歴史公園 門口旁的停車場， 後來知到原來呢個停車場要錢， 我同ToTo 反而賺了。
我們會合後就去買Ticket 入場。大門旁, 有個好美的花圃。
仲有棵櫻花樹TIM。
這個就是賣票處同入口
呢度售票處係自動售票機來的。
門口仲有吉祥物TIM, 我們都走去同佢影相。
入到去， 看地圖都好像好大甘， 我們先去其中1 part 看看， 但我發覺， 雖然呢度個格局好像上次我們去的犬山明治村， 不過呢度的簡陋好多。
大家都係門口影相
我們入了去後, 先從左邊的「彌生くらし館」, 呢度係可以比你玩一些「體驗項目」的地方。
在「彌生くらし館」的船
之後我們就順路去了「南のムラ」, 呢個是以前的普通平民住的村莊。
感覺好像白川鄉個D 屋
之後我們就去「南內郭」。個度有個好高的塔, 可以比人爬上去。
望番去入口個度的護城欄
向南內郭進發
我們爬左上塔頂影下去的2位男士。
2位好像「難」型甘
望番出去可以看到「南のムラ」(用左TOY CAMERA MODE)
在南內部旁就是皇帝皇后住的地方
皇帝住
皇后住
個門超細, 要用「鑽」....
佢地個門口好SMALL, 我都唔可以企直。
「中のムラ」
入面又黑又有模形, 好恐怖
之後我們去左「休息室」
休息室入面有汽水機, 同HAELY 差唔多高。
過左「中のムラ」, 我們就去了「祭りの広場」, 此時個天開始黑了。
草地內都是墓
這個入面本來是放屍體
我們去到祭りの広場入口
「祭りの広場」入面係介紹當初點樣發展到這些「墓」及「骸骨」, 跟後期的保養工程。
剛剛我們在外面看到的就是這個了
之後我們就去「北墳丘墓」, 之後就去到「北內郭」
「北內郭」比起「南內郭」還要大很多, 入面是一個大型的展示館。 突然間覺得日本的做得好好, 小朋友在這裡可以互動學習。香港如果都有多D就好。
離開「北內郭」,我們都沖沖回到去入口, 因為時間已經不多了, 準備去下一個目的地- LUNCH。
中途, 去了一個建築物, 去TOILET之後, 見到好玩的紙版公仔, 所以我地去影了張相
所以我們沖沖走完所有的， 就去食lunch 了。
第四天 Lunch - 終於試到Yahoo 中 Top 2 的拉麵店
大砲 ラーメン 吉野ヶ里店
電話: 0952-51-1751
地址: 日本〒842-0031 佐賀県神埼郡吉野ヶ里町吉田2865-1
消費: 1025円/人
由於我事先已經聽同事Connie 說， 可在日本Yahoo (食べログ Click Here)中找d 好食的店， 好像香港Openrice甘， 所以我便mark down 了幾間店。 我亦估計Haely 佢地想食拉麵餃子之類的東西， 甘岩呢度附近又有間佐賀Top 2的拉麵店， 當然去試試。
我們行完 吉野ヶ里歴史公園， 天開始想下雨， 真的感謝天係我們行完先落。 我們由吉野ヶ里歴史公園駕車去個間店只需10幾分鐘， 轉眼間就到了。 我先入去拿了4個位， 再等Haely 到來。
環境
由於我坐窗邊， 所以佢地一來到就見到， 佢地來我時都見到我們， 但不知為何得到門口差一道門就入到來， 但佢地竟然回頭， 出番去。 之後仲走去反方向Tim, 原本佢地以為鎖左 ^^"
我們坐下後， 見入面真的好像好多人食。 而且地方好大。 Menu 上面只有幾樣東西。 由於我們想食餃子， 所以choose 了個set, 但個set 有飯 或飯團 choose, 初時我們以為唔講要就係唔要， 只有ToTo 要了飯團，我地仲叫了大碗的拉麵， 點知原來佢真的來埋個飯。
食物
拉面SET
因為我們以為唔要飯團就沒有飯, 仲叫了個大碗的面, 所以個SET 來到時真的嚇了一跳。
* 前菜 & 飯團
看到陳ToTo的飯團那麼少, 真的令人羨慕, 因為唔洗食甘多, 又好味。
* 餃子
這裡的餃子不錯, 但又未去到我覺得超好食甘。
* 我的拉麵 - 叉燒拉麵
我跟陳ToTo的麵其實應該有分別的, 不過我真的分不出來。味道好好, 好濃味但沒有味精, 不過比起我們來時的第一間拉麵, 這裡總覺得比下去, 可能是因為佢沒有個道甘香。
* ToTo的拉麵
* Haely 跟 Edward 的拉麵
食完野， 大家本來想去食埋附近的雪糕店， 但由於發覺時間不夠 (通常都5點關門， 4點半前就唔比賣票) ， 所以跟了Haely 說， 現在就出發去熊本城。
由於Haely 今晚住的酒店跟我們不同， 係有包晚餐。 我們的沒有包， 又唔知去到熊本城見唔見到面， 不過今晚原本來去佢地酒店入去看星， 所以先約好今晚 同明早的時間。之後就各自出發了。
但想不到, 呢度竟成為我們在日本分手, 各行各路的午餐 Q_Q
行程3. 熊本城 - 本來以為趕不及， 只是碰碰運氣， 真的開始有運？！
熊本城
電話: 0963-52-5900
地址: 日本〒860-0007 熊本県熊本市中央区本丸１丁目
消費: 500円/人
我跟ToTo 相量後， 決定行一半 自動車道， 差不多去到熊本時 走國道， 因為只走國道的話， 一定趕不及， 我們就開始起行。
開始下雨了
天黑黑甘
好快， 我們就走完自動車道， 花了1000円, 時間尚算充足。 當我們這樣認為時， 出離開自動車道時， 一出就塞車， 係見不到龍尾在那裡的。 我當時一驚。
「難道真的趕不及， 錢已經比左， 早知行成條自動車道。」
都沒有辦法啦， 塞車塞了好久， D車時「螞蟻爬行」時停下來， 搞到我們2個都「勿」。
之後我地嘗試走第2條路， 等GPS 再port, 不過都不成功， 反而行了遠路Tim。
最後 我們4 點35 分先泊車， 碰下運氣希望係城邊影下相。
我們去到個閘口， 發竹山佢仲可以買票， 原來今日廷長到6點半。 我們好開心， 立即買票入去， 同時希望Haely Edward 來到時撞撞， 好像我們甘入到去。
閘口未關...^_^
根據Edward 之前說， 熊本城是3大名城之一, 所以一定要來看。
開始跑上去
天守閣就係呢度上面?
仲未到既?
到左? 錯, 係未
望番下去, 我們已經上左多高了
終於到天宏閣城外的入口
的確， 佢係好大。 行了好分鐘先上到去望到天守閣， 城上有好美的櫻花， 在天守閣旁。 除了天守閣， 另外仲有一棟建築物在旁。
呢度就係熊本城的天守閣
我們先上呢度, 天守閣有6 層， 係博物館的形式展示了之前日本的文物同歷史。 不過入到天守閣入面就如同入了現代博物館甘， 不似以前去過的城甘， 保留入面古代建築， 所以多少都有d 失望。
入面是現代的樓梯
我們上了最高望下去， 都幾高。
下面都算係櫻花盛放吧
我一面行， 一面留意見Haely 同 Edward, 有冇來到， 不過都係沒有發現佢地。
之後， 我們入去第二棟比較細的building, 叫「本丸御殿」。
再來好金壁輝黃
我們行到最後才走， 由於我們來時個邊門，已早在5點半時關門， 所以我們唯有用另一邊出口出， 估唔到竟然見到好靚的櫻花盛開在路2旁， 櫻花飄落的美景。
我們出來時已經沒有人了
熊本城的小可愛 ^_^
櫻花已經飄落, 不過仲好完整
櫻花下的熊本城
我們由另一個出口出
出口處都有一棵好大的櫻花樹
門口出面一望向天好像被櫻花遮住
櫻花路來了。
櫻花路來了。
好有「CARD CAPTOR SAKURA」入面的情景, 雖然呢度係熊本。
2旁都有櫻花的。
這種櫻花帶了一點紅葉
行程4. 熊本下通り
之後， 我們沿住護城河旁， 走回我們泊車的附近， 我知ToTo 都係好想找佢支鏡頭， 所以去了大街中看看有沒有買相機鏡頭的店。
好可惜， 我們行了成條街， 都沒有， 只找到BEST 電器。
我們再入去看看， 都係沒有鏡頭賣， 我唯有用我少少的日文， 問哪裡會有鏡頭賣。 店員回答我， Pentax 鏡頭 只有專門店有得賣， 但熊本附近沒有專門店， ToTo 好失望， 我唯有安慰佢， 我們最後一天早點回博多， 去多次 看看有沒有得賣。
之後， 我地便行下呢個下通り, 順便找找有什麼好食。
第四天的晚餐 1. 馬櫻 - 試馬肉刺身
馬櫻
電話: 0963-55-8388
地址: 日本〒860-0807 熊本縣熊本市中央區下通1-12-1光園ビル2/F
消費: 1750円/人
ToTo 想食馬肉刺身， 我們走了好幾間都係馬肉燒肉， 就算有刺身， 都好貴。 終於， 我們找到一間食馬肉刺身的專門店， 而且佢有個set 都唔係好貴。 我們就決定入去食。
環境
門口上面有佢地大大的招牌。 上到樓上, 他們好快已經安排了我們入去最入面坐, 係望向
下通り。
用櫻花瓣做筷子托, 真的好靚。
食物
我們坐下來, 好快已經有MENU。
但係由於好像好貴, 我們決定先食左2800円 的馬肉刺身先, 如果好食, 再叫其他野食。
馬櫻特選しゃぶ刺し
登.登.登.登~~~~~~~呢個就係2800円的馬肉刺身。
我覺得馬肉刺身不太特別， 都係牛肉好食d。因為食落去好像似牛肉, 但淡味一點。不過呢度都OK抵, 只是ToTo 食完覺得唔特別, 都唔想係度再叫其中野食。我們叫了杯酒, 就走了。
第四天的晚餐 2. 峰壽司 - 日本的峰壽司跟香港的好唔同
峰壽司 三年坂通り支店
電話: 0963-24-4500
地址: 熊本市中央区安政町5-4 一誠堂ビル1F〜BF
消費: 2363円/人
食完馬肉刺身， 其實只是好少， 我半飽左， ToTo 應該係唔覺食左d咩甘，所以我們決定去食其他野。
本來， ToTo 係想食壽司， 我們去到一間店， 寫住魚生是「天草直送」， 因為天草是一個環島， 係熊本 甚至九洲 食海鮮好出名的地方。 我見d價都ok, 所以就入去了， 不過一入已經看到煙霧迷漫， 我問問有沒有非吸煙area, 佢地沒有， 我們唯有出番去， 去第2間食。
環境
我們又來到另一間叫「峰壽司」的店。外表來看， 好像是一間小店， 見出面的menu 都唔貴， 甘就決定入去食， ToTo 仲決定食魚生飯Tim。
一入去， 有一張大壽司bar 枱， 店員好熱情的招呼我們， 知道我們是2人， 就引領我們去樓下的一間箱房。 真的估唔到佢有地下層。
我們入到箱房中， 仲有衣架比我們掛衣服。 後來我們見個menu 都有好多野食， 都看了一會兒才order, 中間有一個會講普通話的侍應， 來跟我們解釋餐牌 同 落 order Tim。
食物
我們坐了一會, 最終ToTo 都係order 魚生飯， 而我就order 壽司。
魚生飯
ToTo的魚生飯來到時看似好靚甘, 不過我總覺得少的可憐。不過味道是還可以的。但ToTo都係覺得冇上次係金澤市食的那麼抵。
看似好大碗, 其實最TOP, 只有手掌心那麼大, 跟香港的差不多。
壽司
而我的SUSHI就唔同, 因為除了上面那個10件SUSHI, 仲有下面的卷物。不過味道都OK。不是「嘩~~~好好食」何個隻囉。我見我有甘多, ToTo得好少, 所以都分了一半給ToTo食。
我們食了之後, 其他店都關門, 天氣有點冷, 我同
ToTo就回酒店了。
第四晚的酒店 -
第四天的酒餐店 - ホテルエリアワン熊本空港 (熊本空港)
電話: 0962-93-7855
地點: 〒869-1233 菊池郡大津町大津1394
宿泊資料:
シングル『禁煙・セミダブルベッドでゆったり♪』 (詳情)
料金明細
（1泊目）
（1部屋目）
2700円（大人）× 2名
小計：5400円
當晚， 我們好晚才回去， 我們去拿車後， ToTo 好像刮到側面， 我們有d 怕， 所以停在路邊看看， 好在沒有事。
我們繼續去, 由熊本去我們的酒店要半小時的路程, 由於塞車, 所以用了45分鐘左右先去到, 沿途我們當然去了便利店買我們鐘意的早餐及今晚的消夜同酒。
呢個係ToTo的
我們到了之後, 佢就安排了一間房給我們, 但唔知點解又係走廊尾房。我們入去之後, 牆身是綠色的, 感覺好恐怖
回到酒店時已經10點了, 由於我真的好累, 所以立即上facebook 留言給Haely同 Edward, 說我們不過去了。
之後不久, 收到他們的留言說他們沒有去到熊本城, 直接去了酒店, 歎酒店的設備。幸好, 佢地覺得好正。之後就是說由於他們沒有去到熊本城, 所以明天他們不跟我們的行程, 他們先去熊本城, 下午回來再去看阿蘇火山。
估唔到, 就甘樣, 從下午的午餐開始, 我們跟Haely Edward的旅程就無聲無色的完結了。
來呢度個時, 快到酒店時, 突然超大霧, 能見度超低, 希望霧明天快散, 唔係會見唔到阿蘇火山了。
今天TOTAL 用了 31273円
買野: 2526円食物: 11338円(Lunch 2050円 + Dinner 8225円 + Others 1063円)
酒店: 5400円
入油: 4359円
車費: 5850円 (自動車道收費 1000円 + 熊本Parking Fee 1500円)入場費: 1800円(吉野ヶ里歴史公園円 800+ 熊本城 1000円)
今天行程，已橫誇 2個縣 (佐賀、熊本) ，其中有 3個市 ^O^
