蔥頭 - 周圍遊樂: 2013.03 日本九洲自駕遊

今天(2013.03.20) 原本計劃好的行程：
8 am 拿車 -> 呼子朝市 -> 唐津城 -> Lunch -> 鍋島藩窯公園 -> 酒店( 嬉野温泉　ファミリーホテル神泉閣) (Dinner @ Hotel)

本來根據行程，今天應該是一早起來， 8am 去到Mazda 拿車，上次在日產的經驗，至少都搞成半個小時以上，所以我預早上去呼子朝市同唐津城。呼子朝市跟唐津城都是在佐賀縣，離博多要車程一小時多，是佐賀縣沿海地區。所以我想Lunch 都可以食壽司或魚生，尤其是墨魚，因為個度都出名。多得同事 Connie 教路，我係日本的yahoo 上找到一個好似香港openrice 甘，是日本人寫食評同比分數，仲分了區域，推介你最多人比高分的top 3 餐廳。我都找了幾間在呼子或唐津城附近出名的壽司店，準備同ToTo 去食。

本來是這樣的，不過由於ToTo想去買個支Pentax DA 35mm Micro 鏡頭，所以我們先要去左ヨドバシカメラ先，順便買埋轉換插頭。由於ヨドバシカメラ是開10點，而我book 車時ToTo 又未要話想買鏡頭，所以我book 左8am。

早上我們pack 好行李，先去 Mazda 拿車先，再去食早餐，然後去買轉換插頭同鏡頭，再出發去唐津。

一早起來看到窗外就知下雨了，ToTo 買的雨衣買得真合時。

行程1. Mazda博多駅前店拿車

我們去到Mazda 門口，就拿了租車時的confirm email 的 printout 給他們，他們可能見到我們唔係好識講日文，其中一個職突然用普通話跟我說，問我們用普通話可不可以。由於我在公司內得到 Shuting 跟我practice, 所以沒有問題。

那個Mazda 職員好詳細跟我們說明，亦跟我們說明保險是包了什麼什麼，點樣就唔包要賠錢。我覺得比上次日產詳細好多，亦嚴好多。

不知是否在九洲好多人會偷「車輪」和「 Tie 盤」， Mazda 的職員說如果呢2樣被偷或不見了的話，保險是不包的。

如果撞左車，架車仲行得就要賠 ¥20000, 如果唔行得就要賠¥50000 ，仲有相片example tim ，比起上次日產的姐姐只是求其講小小野， Mazda好像嚴好多。

我們確認沒問題之後，就比錢，同時亦問佢連接Ipod 的插頭或AV時插頭在那裡，點知職員說沒有！！！明明Mazda2係網上話有，而且呢架仲係新款的Mazda2，唔會冇吧， ToTo 駕車冇歌聽好易睡著！！！ 結果真的沒有，沒辦法，一會兒可以真的要買個啦巴。 @_@ 淵往錢就係甘樣花了一堆。

我們的車 ^_^

車匙

我們拿了車，先將行李放進車，就去找早餐吃。因為我們跟他們說想先將車放在車行先，我們食完野買完野 10:30左右就回來拿車，他們都ok 冇問題，可以比我們放到10:30 。

我們搞掂好之後，就去附近的博多車站找早餐食了。

博多駅

去到博多車站，我們走了好幾層，終於去到一條地上食街。

其實食街有2層，1F 就是有好多不同種類的和食店 (博多ほろよい通り)和 Souvenir Street (みやげもん市場)，不過只有幾間店開了 , 上面2F是博門食拉麵的 (博多めん街道)，由於2F成層鎖了，因為晚上先開店做生意，所以都上不到看看，可能會跟香港九龍的佐敦地鐵站E出口的拉麵Champion 甘係拉麵Food court 都唔定。

2F 博多めん街道的食店

1F みやげもん市場的Souvenir , 不過好甜

1F 博多ほろよい通り的和食店

好多店都係未開門

第二天的早餐

かし天

環境

由於我想食傳統的日式早餐，所以行了幾間後， ToTo 都係就我 ^^, choose 左呢間。

佢地門口有住個大大的朝食banner, display 出來的的食品都好像好吸引。

呢間本身是食「天婦羅」的，ToTo之所以choose 呢間，可能以為食天婦羅都ok, 加上看上去個餐唔係好多，因為他成日都怪我食得太多，而且又係日式早餐，係我想食的東西。

食物

我們入到去就即刻被安排坐位，店內已有些人在食，原來早餐只有一個款， ToTo 無辦法，都要跟我一齊食早餐。

所以我們都order 了 ¥550 朝食

門口display出來的「朝食」

¥550朝食

個餐唔係好多野，主菜是魚，仲有個自家製的豆腐，配上有蛋有飯同味噌湯。
魚：煎魚，好入味，點埋蘿蔔絲一齊食超好食，可惜只有一小夠。

豆腐： 好有豆香味，好有質感的滑，好好味，係香港已經好少食到呢d甘有豆味甘有texture 的豆腐。好想食多d.

飯：日本米真的好味d, 不過我覺得係日本煮的米同香港煮日本米始終有好大分別。不過都不及之前去日本東北時，山形同仙台的飯甘好食。

蛋：由於是生蛋，我係唔食的，所以我唔知道。

味噌湯： 本來我以為呢個係最平常，點知原來加了海鮮，好鮮甜。

仲有其他調味料

行程2. ヨドバシカメラ買所需品 + 鏡頭

website: http://www.yodobashi.com/

食完早餐，我們立即去 ヨドバシカメラ , 剛好佢開門，一入去就見到超多野賣，同類型的東西有超多~超多~超多款。例如， iPhone手機殼，他們係有好幾行，一個area 專賣 tim，真的超誇張。

相機袋Area

我們一入門口就見到有speaker 賣，但最平唔洗用電的已經係這個，明知sound 唔靚嫁啦，都要買，唔係ToTo 揸揸下車因為冇歌聽，睡著了就「大0樂」。

之後，我又問工作人員邊度有轉換插頭賣。好快又找到，不過香港鴨寮街賣$10, 呢度要買¥600 港幣$50幾蚊。

之後我又走到一個賣化妝品的，拿了一支眼線筆 及 hand cream 。眼線筆純粹係因為想買， hand cream 因為九洲好乾，又找不body lotion, 買來當呢12日的body lotion 用。

拿了我要買的野，我們開始找鏡頭。好快就找到，因為相機鏡頭都係呢間店的主打，有一個好大的area 賣相機、鏡頭及相機有關的物品。相機任我地試同玩，我們因為係用Pentax, 所以去找找Pentax 的機來玩，因為香港好少有得甘自由甘玩。我們立即去試下 ToTo 下一個目標：「Pentax K5IIs 」，一按之下，真的比以前性能好了多。 ToTo 好心動了，可惜價錢太貴，我們唔想買了之後回去 4月破產，所以就忍痛 , 沒有買了。

接著，我見到Pentax Q10, 人地話好「膠」，但我望上去又唔覺，而家賣緊¥29xxx, 折番港幣同我手上的Pentax Q 差唔多，但佢colorful 好多。隔離個櫃又一堆Pentax Q10, 好多個唔同color 的配搭，好賞心悅目。

之後我地找到要買的鏡頭Pentax SMC DA35mm Macro , 我們請個職員讓我們試下，都覺得好OK。我再問他們有沒有我想要的東西，但我識的日文真的好有限，而且個樣野真的好難解釋，我係想要一個光圈環，係K-mount to K-mount, 係因為DA鏡係沒有光圈環，不能手動控制光圈，所以我係ME SUPER用不到。但我在香港找左好耐都找不到，希望日本會有。

可能真的好難找，日本Sales 聽唔明@@" , 後來佢找了個會講普通話的人來聽我說，我唯有再用普通話解釋，他們終於明白，但可惜沒有呢種光圈環。沒辦法啦，ToTo似乎已經試好鏡，所以我幫佢問銀聯卡是不是有discount, 因為來之前，同事Connie 跟我說， 用銀聯卡可以免稅5% + discount 5%, total 會有10% discount。所以我confirm 係唔係。講普通話的職員向日本職員詢問後，跟我們confirm 係有的，但要有passport 證明及超過¥10000, 所以我們匆匆回去車上拿passport, 之後我們就回去請他們拿一支新的。

在日本職員拿新的鏡頭時，我好好奇地問普通話職員：「你的普通話講得好好wo!!」
職員說：「因為我係中國人!」
我：「ooooo....係啊！ e... 呢度福岡好像好多中國人wo， 頭先我們租車時，那裡都有個中國留學生」
職員：「係啊! 九洲呢邊都好多中國留學生。」
我：「係啊！我地上次去日本中部名古屋那邊時都沒有甘多。呢邊方便好多。」

在我們傾計的時候，日本職員回來了，說沒有新， 只有呢支 display，由於好像真的太花，好像跌過來，所以ToTo都沒有要。

行程3. ビックカメラ天神2号馆找鏡頭

website: http://www.biccamera.co.jp/shoplist/tenjin2_chinese.html

我看得出，ToTo 好失望，所以我建議去 Big Camera 找找。

Big Camera (ビックカメラ天神2号馆) 係係天神站，話遠唔遠，話近唔近，所以我們就先去拿車， 而家已經是10:30點了，我就知到今日去唔到朝市，唐津城都好吻水。

我們出車後，就去往ビックカメラ天神2号馆出發，只用了5分鐘，就到目的地，但到了目的地後見到一條條大車龍，排緊入去2個地下停車場。我們見條龍甘多車，個停車場又已經滿了， d人都係搏有車走有空位先入去泊，所以我們駛去1條街外的停車場泊，甘岩我地個泊個個停車場係¥100/30分鐘，好像比頭先排隊個度平，我地正納悶為什麼d人唔來泊。

停車場入口

ビックカメラ天神2号馆

ビックカメラ天神2号馆入面

唔理了，我們走番去ビックカメラ天神2号馆，入面跟ヨドバシカメラ差不多，都有各式各樣好多款式的東西賣。由於我們的目標好清晰，就係 Pentax SMC DA35mm Macro, 所以我們都沒有逛，直接去買相機鏡頭的樓層。

鏡頭找是找到了，不過比ヨドバシカメラ貴了 ¥6000 有多，太貴了，跟香港差不多價錢，所以最終ToTo都決定唔買。

又一次失望。

我見ToTo 好失望，所以又提議去附近行行大型的商場，會不會有大型的電器店，可能會有得賣，所以我走走去天神地鐵站附近，落左天神地下街。

行程4. 天神地下街

天神地下街入口

入面的店都整得靚靚，仲有休息的地方

地下街的TOUR GUIDE

之前有找過資料，知到天神地下街有Free Wifi, 所以立即search wifi, 跟在Facebook 打卡tim。之後， ToTo 跟我說，他同事家豪叫佢幫手買車仔，但佢要問的款式都係佢部 Note2 入面，但佢竟然冇帶出來，好在，呢度有wifi, 所以我即時問了家豪 (因為我都有家豪的whatsapps), 就順利地幫佢買了幾個車仔。

家豪想買的車仔

但有D都係冇貨

突然間，我的袋的帶一鬆，袋快要「dum」一聲跌落地下，好在我快手接住，唔係我部Pentax Q 就「凍過水」。原來我的袋太重，袋帶與袋連接位的部份斷左。

唉！有冇甘黑仔，想買的野唔係冇新就好貴，而家連袋都爛埋，旅行先剛剛開始！！！

Q.Q

係呢間店買左個袋

無辦法，唯有買個袋啦，行完成條地下街先勉強買到一個袋，仲要係帆布袋，都要¥2200。

我們見都係找不到有鏡頭賣的地方，所以就出番出去外面，見到有個好像公園仔，有棵櫻花樹都好像開得好靚，所以就係度影番幾張相，之後我們就去拿車。

好大棵櫻花樹

就係ビックカメラ天神2号馆出面

是比較白的櫻花

都有一個足湯

我們番到去停車場。呢個停車場不同其他的只有機器比ticket 同收錢，呢個是由人手操作的。所以我們走番去拿車時，要先去收費亭比左錢先，再去拿車。我比了Ticket 職員之後，職員就跟我說：「多謝¥1000」我想，甘多，不是¥100 30分鐘，我們有泊左5個鐘咩？？？？跟住，職員見我地好由疑，就跟我地說：「today public holiday 」我即時「吓」了一聲，今天是星期3!!! 不過日本人好少騙遊客，今日條街又甘多人，可能真的係唔知咩日本假期，所以我都係付了那¥1000。原本以為好平，點知貴左一大節。真係黑。

第二天的午餐 - 好可憐地食7-11 腸仔

現在已經係12點半過D, 快到1點了，我們立即起行，先去醫肚，由於之前我已找了lunch的資料，所以我就輸入了GPS, 等佢帶路。 Lunch 的地點是在唐津的，我們choose 了「一般道路」，所以要1小時多。

向唐津出發

沿途都是一些鄉郊地方，。雖然有d有車站，但都只係一個月台，好像閘都冇。一出去就係我們行緊的國道，旁邊就係田。

花了一個小時左右，差不多到了，其實中途我有提議直接去下一個景點，沿途有什麼就食什麼，因為去到唐津已經差不多3點，再食都4點，再出發去個度好像之前check 過要1小時，去到可能5點幾，唔知佢會唔會收門，因為日本的景點多數5點就收門。但ToTo 若有所思，好像沒有聽我說，所以我們就照去唐津 lunch 的地方。

差不多到唐津

去到之後， 好不容易先找到個間Plan左要去食lunch的店，但發覺關了門 / 未開門，結果唯有向今天原身plan了的最後一個景點 - 鍋島藩窯公園出發。

沿途經過了一些有食的店，都有拉麵店，不過ToTo 無聽我講所以停唔切，又不肯回去。 結果只經過間7-11, 我咸住扁晒嘴， ToTo 先駛入去比我買點野食，而家已經係3點幾了。早餐是8點半 9點左右食的，餓到我個胃抽下抽下甘 Q︿Q

我們入去7-11,執d 野食同飲品。我們買了2條熱腸，個店員仲要比錯左個麵包腸我地， 真係黑仔。

麵包腸

行程5. 鍋島藩窯公園 - 好像荒廢了很久的公園

電話: 0955-23-2110

map code: 104 512 700

wedsite: http://www.imari-ookawachiyama.com/kouen/index.html

鍋島藩窯公園駐車場

車行了1個小時左右，到達時已經４點半過Ｄ了。不過幸好這裡是自由參觀，所以沒有關門時間。我們泊好架車，就匆匆去影相。

係個停車場附近有個館，因為要錢又好像冇咩野看，所以我地沒入去。

我地而家就你我所指個度啦!!

伊萬里鍋島藩窯公園地圖，好像用陶瓷做的，青藍色好靚

望上去，好像是人跡罕至。有條橋，叫「鍋島藩窯橋 」都係用瓷片碎砌成，好靚。

橋下是引水道

過了橋，根據佢地圖的指示，我們去到鍋島藩窯公園的入口。

我見到有條「長命斜」，心想 : 「來到邊度都要行山」。甘就行上去，原來長命斜附近有條平垣D的路都係可以上到最高的展望台，所以我們CHOOSE了平垣D的路上去。

沿途都見到有D用陶瓷碎片砌成的東西，唔知係咩來，不過都好靚

沿途都可以看到好好的風景同民居的屋頂。

D葉捲起好得意

沿途有D柱上有唔同圖案的陶瓷器

石上用陶瓷碎片砌成，有唔同的圖案，好像馬賽克

有唔同的圖案，好像馬賽克

之後好像終於上到去「大璧面」，再上就係「展望台」。
「大璧面」的圖案好靚，我覺得係一幅用可頭和陶瓷碎片砌成的馬賽克璧畫。

沿住「大璧面」旁邊的樓梯，上去就係展望台。以為係好壯觀，點知..............

大璧面上去的平台

好荒蕪 @@"

上到展望台，望下去就係甘。

D樹木好高好密

之後我們見冇咩野看，就下個條「長命斜」下去。個條斜路，2旁都係密密的，樹幹好高的樹林，一路行，我覺得好像好恐怖，好陰森，加上地下好多青台，行起上來不可以太快，我已經滑了幾次。

ToTo係呢個時候，又開始說起有線「怪談」，說:

「係日本有個好出名的景點，係一個自殺森林。係森林入面全部都係呢D好高好高樹幹的樹，密得很，入左去好容易迷失，是係猛鬼。每年都有好多人入去個個森林自殺，警察入去會找到好多屍體.......」

佢繼續: 「入面D樹就係好像呢度甘高甘密，入到去指南針會失靈。呢個森林上網係YAHOO一SEARCH就SEARCH到，好像聽說有人去個度遊覽後，回到去一直病，病到差D死，要請D師父幫手驅鬼........」

嚇得我急步走人。